Azərbaycan Milli Elmlər Akademiyası

Mikrobiologiya İnstitutu

15.12.2016 14:00

 

AMEA Mikrobiologiya İnstitutunun illik hesabatı keçirildi

Dekabrın 15-də Azərbaycan Milli Elmlər Akademiyasının (AMEA) Mikrobiologiya İnstitutunda bu elm müəssisəsinin 2016-сı ildəki elmi fəaliyyətinə həsr olunmuş hesabat yığıncağı keçirildi.

AMEA-nın Biologiya və Tibb Elmləri Bölməsinin akademik-katibinin müavini, AMEA-nın müxbir üzvü Zeynal Əkpərov gündəlikdəki məsələlər barədə məlumat verdi.

İclasda institut direktorunun müavini, AMEA-nın müxbir üzvü Pənah Muradov hesabat məruzəsi ilə çıxış edərək əvvəlcə Azərbaycan Respublikası Prezidentinin müvafiq fərman və sərəncamlarının, dövlət proqramlarının icrası ilə əlaqədar institutda görülən işlər barədə məlumat verdi.

Bildirilib ki, 2016-ci ildə 2 problem 20 mövzu əhatə edən 40 işin 77 mərhələsi tamamlanıb və nəzərdə tutulan iş həcmi tam yerinə yetirilib. Aparılan işlərin ümumi məqsədi Azərbaycanın cənub bölgəsində olan su, torpaq və meşə ekosistemlərinin müasir vəziyyətinin mikrobioloji və mikoloji aspektlərdə qiymətləndirilməsidir.

Nəzərə çatdırılıb ki, institutda iki şöbə, yeddi laboratoriya və bir bölmə fəaliyyət göstərir. Hesabat ilində AMEA-nın prioritet istiqamətlər üzrə elan etdiyi innovativ layihələrdə institutun əməkdaşları fəal iştirak ediblər. Ümumilikdə dörd layihə təqdim edilib ki, onlardan ikisi multidisiplinar xarakterli olub.

Cari ildə institut əməkdaşlarının 33 elmi əsəri çap olunub. Onlardan 14-ü elmi məqalə, biri monoqrafiya, digərləri isə konfrans materialı və tezislərdir. 7 məqalə, 1 monoqrafiya və 4 tezis xaricdə dərc edilib. Dərc edilən məqalələrdən 7-si İmpakt Faktorlu jurnalında dərc edilmişdir.

Bildirilib ki, institutun əməkdaşları 2016-ci ildə Rusiya (Moskova şəhərı), və Qazaxstanda (Almaata şəhəri) keçirilən beynəlxalq konfranslarda iştirak ediblər. Hesabat ilində İnstitutda beynəlxalq qrant proqramlar (STSU) üzrə yerinə yetirilən iki layihə ilə bağlı tədqiqatlar davam etdirilmişdir..

İclasda hesabatla bağlı müzakirələr aparıldı. AMEA A.İ.Qarayev adina Fiziologiya institutunun direktoru, professor Ulduz Həşimova gələcəkdə instututlar arasinada nəzərdə tutulan elmi əlaqələr və onların möhkəmləndirilməsinin vacibliyi ni nəzərə catdirdı və digər nümayəndələr məruzə ətrafında suallar verərək fikirlərini bildirdi.

Sonda Mikrobiologiya İnstitutunun 2016-cı ildəki fəaliyyətini qənaətbəxş hesab edildi.

Faydalı Linklər